حاولت لك اشتاق

الأحد ديسمبر 18, 2011 2:38 pm

حاولت لك اشتاق .. ....

حاولت لك اشتاق وعياني الشوق
وشلون شفت الشوق عنك يحداني

شفني على طاريك ضايق ومخنوق
وشفني عقب ذيك المحبة اعاني

تبين شوق و مابقى فيني عروق
قطعت عرق كان فيك ابتلاني

قتلت قلب كان في الحب مطفوق
ماهي غريبه دام طبعك اناني

مافيك حيله سقت لك طيبتي سوق
وهذي جزاتي من فراقك اعاني

صحيح مالك في الشبه أي مخلوق
ولك في خفوقي خير قدر ومكاني

وانتي من اول ساكنه وسط هالموق
وابحرت في حبك جميع المواني

سبحان من غيرك وخلاني اذوق
هم الفراق وهم تالي زماني